ہاردیو بزمہ کوری جشن تا یادان ایگان
Poet: Ghulam Rasool Beqarar
ہاردیو بزمہ کوری جشن تا یادان ایگانہ اوا دی زندگیو تانتے جݰومان ایگانہ نِسین دی یادِئ گونیان جنونو شبابو دور کھلی عالم ما غیچی گوین ورَقسان ایگانہ ہنیسے دی کورونیان ہشرو ای ہنگامہ برپا خیالو دشتہ ہتے چشمِ غزالان ایگانہ دوستو خیالو اَبْر سورو ما چراخے بشیران دورنو قاق چہوترا چاغ کی نسیمان ایگانہ استاری باو ڈموشی بے خودیہ رقصہ گونیان جوش چھورو مس کی دویان مَسَم تا لوان ایگانہ اتوسر غیر دی ما زندگی شخچوران مگر ہاردیو لھم تریران یادی کی گویان ایگانہ ناصحو غیچ ما پوشی بونیان اشرو مَان ایگانا پوشی کافر ما ہالو بویان مسلمان ایگانہ ژانو پالاک ژاناری بریکو دی نیسک نو بیرای کی بیقرارو قبرا بویان چراغان ایگانہ