Chashm-e-Sayyaad
Poet: Zulfiqar Safi
چشمِ صیّاد مہ پزا نشان اریر کیاوت کی مخمور غیچی سورمان اریر ہوستہ لکہ تیر و چے کمان اریر مہ بریکو چھیک خوش روئی تن غیچھان اریر ڈونڈیرو چمانو موژا ژان اوتیر بلبلو فغانو موژا ژان اوتیر دوپھیرو ارمانو موژا ژان اوتیر ڈنڈاوش انوازا کی پھوران اریر خدائی مصلحتن پر اسرار کوری کوس وجودو چھوتی کوس انگار کوری انسانانن صاحبِ گفتار کوری ایک پھت مخلوقاتن بے زبان اریر چھوتی ، زوم ، انگارو وسہ نو اوشوئے جنگل ، سمندارو وسہ نو اوشوئے خور کیہ دی ژان خارو وسہ نو اوشوئے وعدۂ "اَلَستُ" ای انسان اریر آرزوئے وصال دی ناراواہ ریسان مے خانو شرانی بیک گناہ ریسان پونگ لاکھیرو عشقہ دی تباہ ریسان شکستہ انسان کوس کیہ نقصان اریر دورِ حیات شام بیکو اورے استم پونغوسی تمام بیکو اورے استم صفی، پھوک آرام بیکو اورے استم کا گیتی مہ وارزا چراغان اریر