Duro Khanja Unditam Ta Tasweero

دورو کھانجا اوندیتم تہ تصویرو

 اوندی درونگار لوڑیتم تہ تصویرو

لوڑارو ژانہ گویان وا مہ اچی

 تھیسوم لوڑی لا کھیتم تہ تصویرو

حسن سوال غیریکو درست ہالوتے

 آوا نُقلان بوژیتم تہ تصویر

تہ غونہ نوبیکو نوغدار وا اچی

 بوغئے سوزئے چو کیتم تہ تصویرو

خیال تہ ویشکی بغائے اچی نو ہائے

 آوا مُشکی کوسیتم تہ تصویرو

چھوری ٹمبوکیو سچھیتم گوڑہ مثل شبنم

 انوازو سار و یچھیتم تہ تصویرو

ہوتم گدیریان غونہ ہمہ جانہ

 کورا چھارئے رو خسیتم تہ تصویرو

ہاسے ہردیو مہ بیلوغہ شیرائی

 غیچھان نیشئے پوشیتم تہ تصویرو

عارف نقطہ بولو نجی ای کائنات

 نہ ای ذرہ توریتم تہ تصویرو