E Kharkar Naswar Peshako Dust Birai
Poet: Iqbal Uddin Sahar
ای خرکار نسوار پیݰاکو دوست بیرائے کوروم نو کوری ہمیشہ سست بیرائے ای انوس نسوار پیݰاک اریر بشار کوروم نو کوری اینگار کو بے کار ہݰ ریکو سوم شار استونی ریتائے خرکار ہݰ کہ بیرائے تھے کورے لوان کار لوان کھیو دومان ہردی مہ قونہ شیر داغیو چموٹ ڈقو دونہ شیر کپالہ پھور ڑاغ اپاکی دون نیکی راہ کوتاہ عاشق خور مہ غون نیکی غیچ پوشیکار بوغدو کرونگو لئے نیکی کھون تھے پھارو شار خالی تلئے نیکی کݰ انباران ڈاخئے دوستو پیژیمیت ݱوغ لیشو سوم کوری دورو بیزیمیت گوردوغ مہ سار نست تو مورا نیکی ای ہردیو ارمان مہ پورا نیکی لوق پیلیسکو گنی راہی اریت تان عشقو میدانہ کوتاہی اریت ہانیہ بشار اریر نسوار بیزیماک ہروݰ کیچہ ݰئیلی ہسے بے نمک ہݰ ریکو خرکار صفت شروغ اریر ژان بدانار بی ہردیو اوغ اریر رفیقو چستی دی بے مثل اوشوئے استورو ݯھیک دی نو لوٹ اجل اوشوئے لیلوٹ کاران سوم، بیروغون تو پھان غیچ برو کیہ اوشونی چمڈوریو پاہان ځیہچ جوارایو سار ݰئیلی تو موخ بازو رے مو را فقط مراݯھو کمبوخ سلوک لوان کہ پرائے تھے تہ غوٹ کوروئے نسوارو ووری اپاکار کھوٹ کوروئے ای ڈیکین کھوٹی کہ پھار راہی اریر واللہ و باللہ تباہی اریر ہمی لوان دیتی خرکار ایھ نیزی تھے آرامہ نیشائے تان ہوستان دوسی بہت یئی غیری ریتائے نسوار پیݰاک تہ می لوان کار کوری ہوتام بو ژاک سلوک لوان دیتی بس آزار کورے صفت بو ارو دی نسوار کورے