Hate Bedardo Prushta Tan Ghaman Bayan No Korom

Hate bedardo prushta tan ghaman bayan no korom
Tamasha baw jahana makhluqo hairan no korom

Razo di raza lakhi dardo sum pinhan jahana
Falako phana behchi mautote asqan no korom

Ghechan asmana diti firaqo chuia lokhti
haya saza wa kia kam khur ghamo qisan no korom

Bad-e-anwazar achi yoor tori shabnam lapheko
Taref motio korom prazgharo ghechan no korom

Sual haya ta chaman hamisha abad ghechi giar
Cheni ishqo gamburian gulshano weran no korom

Awa thrushnio bache nas naso daryah biti gom
Awa YAZEDO chaqa qaq chuchu mashkan no korom

Awa gulchino ghona haar kori gamburian chini
AFZAL bulbulo kelei jashn-e-baharan no korom