Haya Hase Angar (urdu)
Poet: Iqbal Uddin Sahar
ہئیہ ہسے انگار کی چوکی شیر تنار نو بیران ہر دیار تہ ہردی بیقرار تہ بے رحم قلام نیویشکار انکار لکھے کی تان ہردیہ تان تہ خیالان بہار تہ ادراخو بیریش تہ کھارو گلسمبار تہ غنچہ گلاب تہ شومکھیکو پونار اوچ شابڑوکی گازو لوڑے اچی چھیروغوچھار تہ چھاغوتین چنار کی ماہی ہے آب تو ہیس عشقو سمندر کی نشہ شراب ریسان تہ غیچھان دی خمار اے فقیر راہگزار بے ازار بے ضرار دیوانہ دیدار تان عشقو سوالگار لیگینہ شیر ازبار تہ نام پوشیکار شرمدار تُو تان ہوستین قتل کورے اگر کی سزاوار کو قہرین ای ناچاوٹین شکستہ ہزار ہے زخمی بے سیار ہے غمہ گرفتار اے گمبوریان بازار نہ عشقو خریدار نہ کیڑاوا بشار لوختاوا مہ حالتو لوڑی بے رحم ہوسار اگر کی بے مقصدو وے ساحلو کشتی بیران ویزان نہ کورا مہربان ہمدرد نہ ہمراز دی لیران مگر ای بے زبان پولوٹیران بے گمان نا فخم اے نادان تہ پالیر ناگہان سو کشتیو سامان یہ انگارو طوفان تہ نظر اجالو ویشو ونگہ کی تاروران ہر ای حسنو غرورا شیرو اچی بلایوران تھے نورغیچی کو دوسان مہ یادی کو گوسان شوخیتانی فریبہ تان کیہ چندین ہزاران شیریں انگار تہ عشقہ پوشی ہردی پریشان ہے دردو سُم خوشان ہے زخمو سُم خوشان ہزار کی ہے انگارو تان ہردیہ لکھیتام سختیان دی برداشت کوری انگارین شوخیتام ای نس دی پولوئی پھیرو ہوئے تہ زحمان پوشیتام بیقرار تان ہردیو سورا ظلم کوریتام تان سورو دلاسہ کوری کندوری کوسیتام وادی ہوسیتام کورا بے درد انسانو دی ہمدرد جوشیتام بوسختی ہے سفرو موڑی اوا پوشیتام مگم ہیہ ہسے انگار کی چوکی شیر تنار نو بیران ہر دیار تہ ہردی بیقرار تہ بے رحم قلام نیویشکار انکار