Kanduri ha royan hujumo muxi E ta khoshaiman ma junoon o lolay

کندوری ہا رویان ہجومو موژا ، ای تہ خوشیمان مہ جنونو لوڑے
ذوقِ حیات تو مہ ارزوان دنیا، کہ تتے ریمان مہ جنونو لوڑے

حدار زیاد مہ ہردی پھت کوروسان، ہیغار زیاد تہ تانتے بو پشیمان
کا کہ نامینیان تہ نامو مہ نسا، کو نو بیچیمان مہ جنونو لوڑے

کندوری خوشب غیچھان کوچہا گیتی ، بونیان شکست پھتوکتو دار بیکن مہ
وادی تو گوس رے انتظارو راہا ، عمرو شخسیمان مہ جنونو لوڑے

ای مقام ہش دی شیر انگارو وجود، پروشٹی قدم لاکھیکو تابہ نیکی
ہتے مقاماری چھوتیو قالیب ، تہ وشکی دیمان مہ جنونو لوڑے

تہ سوم الفتو ای ثبوت ہیا کہ تہ ہر ای لووتے قائل بہچومان
تو مہ روخسے ریکو ممکن لو نو ہس وا دی سپھئیمان  مہ جنونو لوڑے

ہوشاری بے ہوشیو حدا پتی تہ میخانو سوم وابسطہ بہچیلیک
حالت ہیا کہ تان  حالتو لوو تہ سار کھوشتئیمان  مہ جنونو لوڑے


ای صبرا خود بیتی تہ روبروا کیچہ کہ ٹمٹکہ حیران تہ شوکت
ہے چقا فراقو رنج و ستمان اوا ژیرئیمان مہ جنونو لوڑے