Koniyan kya gharaza roi ma wafo shikayat joshi
Poet: Haider Ahmed Haidari
کونیان کیہ غرازہ روئے مہ وافوشکایت جوشی مہ ہردیہ عشقو تہ نسبتہ ران زیات جوشی عشق نو بیر ہردیا کی کورین ہوئے صداقت جوشی اوہ کوم عشقو داستانان ژ ان مہ دوست کار کورار عُمرا پت مجنونو تن غمہ گرفتار کورار جو بُو دُنیو شرینیو متین ژار کورار اوہ بوغدو وخت نومہ بچے دوست اِنتظار کورار تہ عشقو دریاہ رانہ ران بونہ دی کم بویان ہردیو کشش تہ ویشکی ژان ران محکم بویان اُمیدو روشتیو اِنتظارہ متین شام بویان تہ عشق شیر آغازہ دور دانہ موکیہ انجام بویان اوہ تن سوالوتے جوابو طلب گار اسوم عشق نوغا پرانو رے یہ لوُؤتے اِنکار اسوم زمانو غیچہ صداقتو گنہگار اسوم تو کی دور دانہ اوہ تہ عشقو سمندر اسوم عشق غیبی ہردیا تان پیدا موکورین نو بوئے کیچہ کی یورمَس آسمانہ شینی تئے تورین نو بوئے آب حیات بو ڈ و دیری ژان تیرہ بین نو بوئے ہا تیرہ کی بین ہو یمہ دینار سے آچی گین نو بوئے