Kosten Wafa No Koroi
Poet: Sahib Nageen Charwelo
کوستین وفا نو کوروئے دنیائے دون اخر گدیری ہوتام مہ ُدردانانو کان تہ عشقہ مجنون نانار اژی گدیری تہ باریک تھانو ٹھیشٹوو داغہ پیچھھے ہسے کروچ کیچہ ورینچور لوڑے لہ مہ ژانو اوا لہاز تہ ملکا تو مولکھوحکیمئے مہ ژان تو اب حیات اوا ظلمتو پونین گیتی کیہ تہ مݰکیم آسمانہ مس یی نسائے استاریان گنی مہ دوست سیلوتین نسائے مہ دُردانو کان تان یاران گنی اوا خفا اریتام ژانئے تان دوستو مہ سورار اچی موکو مہ دردانو کان تان رحموہوستو شرانہ ݯھیرو غوݯھار نسین مرگست گمبوری سورا پھوردو اورئے انگہہ نو ہوتام ڈقو کم بخت اورارو دوست گیتی بوغدو خفسی بند کوریکو اوا کیانی بوم خور کیہ چارہ مہ نکی کشتی ژان دان بارئے تہ اچھاری گوم ماتین بےوفا تو نو را تہ ہرحرکتو بچین تان چوڑئینو دوم ملکی دارو مݰکیمان اوا لہاز لہازوتین ویز رینیان مہ دردانو کان تہ شوکھور الفاظ مہ ژانو گیکو ݰویہ کی خبار بیسام دوستو گیرو ژاغینین مہ ُدردانانو کان گلاب کݰیسام ڈوکا مس یی نیسی روشتی نو اریر البت مہ څیق جوݰیتائےمہ ُدردانو کان دوستی نو اریر ڈوکا مس یی نیسی اچی غیب ہوئے رفیق خوروݰی بغائے مہ ُدردانو کان مہ کیہ عیب ہوئے