Ma E Pholok

Ya sha chutio sori ki margeman
Zinda e ta afasa ma e pholok
Ma ta poshik d namanzur falakot 
Na ta rokhchik ma wasa ma e pholok

Qudrato chut diru ta mukha Neshan
Ta ghechawaro biko no lakoyan
Kicha ki daag zaminar ghechi goyn
Te panjarasho mukha ma e pholok

Asus ma prushta d tu neki d tu
Ya koshnabili ta adat biti sher
Ki ta nasenen ma gherde angoyan
Ya kia ajeeb waswasa ma e pholok

Huwalot chat kori ma kuri bagaw
Balahi ranja chuni ma kia asek
Hardio e gucha phuk rakhum ki sher 
Nishe darbat ma nasa ma e pholok

Tu ma hardio no kia hush ki aru
Hosta hareno tan hosten chinitaw
Ki ta changeman lole kiag tu pashes
Chiniru har e nasa ma e pholok

Poshikar prushti ma benhad jununo
Dunya abas joshitai ta majnuno
Har e qatra leo ma ta nameran
Te azmaisho thasa ma e pholok

Kia jam anuso mushqario doni
Te pinin pongi goyn re ta dura
Ta AZHAR ghech diti neshim ta raha
Gom re astaw ju basa ma e pholok