Mashriqa Yoor E Nisir Awa No Bom

مشرقہ یور یئی نسیر اوا نوبوم مغربہ ڈوکو خامیر اوانوبوم

وا نو پاشیم ہاتیغار یئی کوری تہ موژی پردو باتیر اوانوبوم

عمرو مثال یومونو ڈشٹہ انوس انوس غیچھو څیپہ بیر اوانوبوم 

ساریران دوݰ اوا اژی اسیتم ہوتم ہنون اکابیر اوانوبوم

گیتی مایون نشی گلابو تھاغہ چھوچی راغیشٹی چوڑیر اوانوبوم 

گیتی میرژوریان گنی تان کوروو پری ملکھونان څاپیر اوانوبوم

گونی گلتک ݯھترارو سوم غاڑوتے دونی شندورا چاتیر اوانوبوم

شرین ہوازا سوزو ساز باشونی ہتے مئیلسہ حاضر اوانوبوم

کہ ہائےکوٹھووان ڑینگئے زار ݯھارونی 

ہُنزیک دانیوتے پھانیر اوانوبوم

چالہ طواف کوری تان وزیریو اڑغانہ پونگ لاکھیسیراوا نوبوم

نیسینی ہاڑ ہر قیسمہ وار باشونی تھمپوق ہوائین کاسیر اوانوبوم

کوری بغائے رے تے شوکت گدیری 

گیتی خبارو گانیر اوا نوبوم