Qismato faisala rey gumaan kore asum (urdu)
Poet: Iqbal Uddin Sahar
قسمتو فیصلہ رے گمان کوری اسوم تقدیرو نوشتہ رے وا ارمان کوری اسوم عقل یاری نو دویان تہ صفاتار بے خبار ہردی صفاتار ٹیپ مو حیران کوری اسوم فراقو انوس ظلمت، ظلمتو چھوئے درونگار ہے بچین انوسو دی چراغان کوری اسوم شوروئی گیکو بلبلو ہواز کارا نو پرائے ہردیو بیابانو گلستان کوری اسوم نو کو گوسان ہردیہ البت تنگ جوشی اسوس تہ دل تنگیو بچین بیابان کوری اسوم عجب ووری کی گویان یہ بوسونو شئیلی تہ اُمیدو روشنیہ مو بوستان کوری اسوم چھوئی کی تو جاشوسان ناامید نو سحر تو مہ ہردیہ گوس رے مو روشن کوری اسوم