Shun Laghal Don Durdana
Poet: Mirza Muhammad Siyar
شون لعل دون ُدردانہ لو کی پراؤ ہر لو نمکین چھیتی مہ کروکنو ݯھارور سیئرو ہردیو بتین کھیو کوم خوشو صفتان مہ جم روئے حورانان نادر مہ روح جنتوتین بیر دو ست کی تان ہوستین مہ ماریر نمکین بو اسونی مہ ݯھیک خوبانانان حاکم تہ خوشان ݯھائےماتین گیار تہ شم تو گوڑ بیاضئے مہ ژان ووری گلسمبر نوا تہ غیچ غیڑئرو مسار تہ پھتوک خنجر نوا تہ غون مرزہ دینارو سیئر قلمدار نوا ماتین گیتی شیر مہ ژان اللہو وو ݰکیار نوا زومان سورین بغات ام کیہ مہ ژان پ یݯ قونان سورین بغاتم زروخ زروخ کیڑاو بغات ام اشروان ما ژاو بغاتم اوا کی تہ لاڑیمان تو مہ پ یڅھی خوری لاڑیس مہ ژان تہ سورہ نذر دوست مہ نو کندوری لاڑیس مہ ژان سیلوت کی گویان یوروݰخور پروشٹ نیسیران خوشئے لہ لش پھاری ݯھو گدیریو ژان پھوݰ نیسیران ہمیش تہ دیہی گیکو دش روئے دنیا دار مہ جاݰور کھشتیو گوڑو دریکو گدائے قلمدار مہ جاݰور کورا اوݯ برون ݰیونیان کورا زومو ریݱ باریکی یارئے کورا کو درے مہ ماریر مہ لوا نو باک شریکی یارئے جو بس ݰوگرامی بیتی ریݰنوتین کی گوس کیانی بوئے یارئے تہ ہوستہ جو گمبوری ایغو مت کی دوس کیانی بو یارئے ریݰنو بوم رنگ گنی شیر مہ ژانو یاقوت شوناری مہ ژان خبار گنیتائے شرانہ فقیر کوراری ڈق اژی غم نو ژانیم نانو غشو غم جاݰومن مہ کریم تت بیکو سار ژونو بریکو جم جاݰومن مہ سایوج دور دیتی مہ ہوستوتین گویا نو گوئے ہائے مہ لوٹ نیمی خدائے مہ نیت ماتین بویانو بوئے پونگان زمینہ مو دیت خوش روئےمہ ہردیہ ݯھونے پونگان لکھی ہردیہ ہردیو ݯھومیکوت دونے ݰویو صحبتو ساری دودیریو زندان مہ بو خوش التی پݰمان بیکو سار نو التی ارمان مہ بو خوش یورو سار تہ موخ اشپ یرو مسو سار تہ گوڑ اشپ یرو مہ ژان مہ غورہ نو ہائے نیسے ہوئے مہ عمر پھیرو تو کی دریاہ شور شور تہ موژہ اوہتونو اوا اسپوک نظر کی اریت الل ہ تہ پروشٹہ دوسونو او چاغڑئیے ݯاغ مو کورے دشت و بیابانہ اسوم مو چوڑے اشپقیٹی بلبلو ارمانہ اسوم متے نوبت نما گوئے غیچ دیتی اسمانہ اسوم مرگو استور مہ موڑا پونگ لکھی اڑغانہ اسوم شورو دریاہو غونہ موݰ مہ عمر کم بہچاو گویان بغائے ڈقیو عمر زاروئیو غم بہچاو گویان کورینے کوری بغائے مرزہ مہ سئیرو لوڑور سما گ یہت دی تی شیر ٹھونہ ہو ستھارو لوڑو برسر قبر ما شوخ ستمگر کی گیسیر ای نسی اوا پھونیکو ای نسی کفن نیسے سیر