Ta Shahra Giti (Shireen Xano Di Ma Tate Dyaru Goyan)

Ta shahra giti asum duderio musafer 
duahta hatam beri nise ki ei fakher
ta hosta biche, ponga puraru goyan 
shireen xano di ma tate dyaru goyan 

Sahil a tori awa kishtian paletam 
tufana a nesi giti hayara ta letam
ta sar zamina tawaf koraru goyan
shireen xano di ma tate dyaru goyan 

Ma shakhcha ki gos awa ta tan ghecha basem 
tu tan di resan ghechi di ghecho no krachem 
phatukan mula ta baseyaru goyan 
shireen xano di ma tate dyaru goyan 

Tareer no koman tan xano tasar i hargeez 
ma tan xano sar ta zindagi maten azeez
maul hayato ta peyaru goyan
shireen xano di ma tate dyaru goyan 

Ghamo sar haya e ju baso bachen asum
hardio bateen xano naso bachen asum 
ki no haw mughar pechi bogharu goyan 
shireen xano di ma tate dyaru goyan 

Dunya e veshki e veshki tu ma xano nas
roshti maten kos zameen a tu asmana mas
ghechan no chipe ta tan lolaru goyan 
shireen xano di ma tate dyaru goyan 

Ma Qais o ghona e dewana jashunian roi 
Farhado ishqo e afsana jashunian roi 
hardi royo sum ahi no ganaru goyan 
shireen xano di ma tate dyaru goyan 

Yaran bhagani ghexi ma hayara pechi
bhaghatam biko e saghat maten no wesi
pesa tasveeran loli kelaru goyan 
shireen xano di ma tate dyaru goyan 

Shaukate dunya xuri tasum no bak berai 
wafo isada tasum katir no shaq berai 
ta hush kori di ta e chokaru goyan 
shireen xano di ma tate dyaru goyan