Ta Sifatan Kom Oche Kom
Poet: Muhammad Nadir Khan
تہ صفتان کوم اوچے کوم تہ موخ پنجرشو مس تہ تھان سرفو کان تہ بچین گدیری ہوتام محمد نادرخان تہ صفتان بو اریت ام اے مہ ُدردانو کان بیران زمانہ نیشے تان گدیریو گونہ تو مہ دردانہ تہ عشقو انگارہ پولوئیم ڈق تہ پروانہ تہ بچین گمبوری څاپ یم ہائے ژان ایہ کو لشٹ غیچھان مہ بلبل بوسونو فصل ڈق ݯھان ݯھوریو ݯھان وا کیچہ بیتی تہ پاشم مہ سورار نو نسیران عشقو گدیری ڈقو بازی تنگ چوڑئینو کیہ رے ݰا اُݱگورو ک ارو ژانئے نو دونی تہ صفتان کیچہ نو کوم ہائے ژان یور اوچے مسو کوڑ التی زیدانو دیتی بیر نسیکو نو لاکویان مہ ژانو نسو کوشٹو نازنین جوانئے تان دنیان سلوک موکورے روئے کونیان عناد ہزار آفرین تاتین بائے لاکھ تتین رحمت دراسنہ مہ زیدانی دونیان ہائے مہ ُدردانو کان مہ کیہ عیب ہوئے پنجرشو مس ی ی نسی ہائے ژان اچی غیب ہوئے دراسنہ مہ زیدانی پرانی ہائے مہ ُدردانو کان تہ عشقہ بندی مہ ہردی شیشو غون کی اوچھیتائے نو بوئے پ یوندی څیقیہ دنیا اویوت ام گیتی جوانی تو دیتی غمو پونہ پھریت موش ال یئ تام تان ڈقیو ہوستو دونہ پھریت کومورو بو پھوک کومورو نو دونی دوستی اریتام مو غیچ بے وفا بیابانین یور مہ پالیر، دوستو سورا کھوٹ گنی شیر جنتو ہو کومورو بو پھوک کومورو بو ݯوکی دوستی اریتام اوا نو دونی ڈقوتین خفس دور غیری شیر ہائے ژان چرنوچے بونی چرنو سیرا پھار نسیکو ہائے مہ دوردنو کان زوم پچھان اریر کوکی بختوار فرشتہ ہائے ژان تہ غیچھان اریر تہ سوم برابری کوری ہائے ژان کارہ ایہ چاکیر لعل دون کی ݱینگ بیرانی ہائے ژان ُدردانہ ݯاکئم مہ خوش روئے تو کو غمزائی مہ اوچے تہ موژی غم بوژونو بوئے مہ مایون ماتین چوڑے ہائے ژان وا بوسون کی ہوئے بلبل بوئک کانہ نشی عجائب چوڑا وا پھک کی نو بیسیر دنیائی غمگین کو بیسان بریک کی نو بیسیر