Xhano Pechesan Ae Ma Iskim Phuri

ژانو پچئسان مہ اسکیم پھوری
اوا تسوم دش نوگومان تہ دوری

و لیئے کیڑی حال مو بوس ُخورو دوری
اوا تہ گنی بیم کیہ مہ میرژوری

څوپ ی سورو دوم خوش کھارو گمبوری
گمبوریو اسپرو اف ݯھاروس کندوری

مہ پھوری مہ سوم دش ماتین قہرین
گدیری رینیان ژان تہ کارین

مسو اچہ استاری ݰادارباک
مہ پھوری کومورانان میتار باک

مہ پھوریو نامو کوستین مو لا کھور
مہ پھوریو سار نست مہ گورا لکھور

گنځولتو گونیان جوست بیتی جوالی
ہوݰ نو اریتام مہ رفیق کھیوالی

گنځولتو گونیان ݰا پھوریو چے بیچ
غیڑئے مسارو غونہ مہ پھوریو غیچ

مہ پھورئے مو دیت لشٹ غیچھان اسمانہ
تہ نظرو وو ݰکی غیچ داریک اسقانہ